ҚМГ жас мамандары сала ардагерлерімен кездесті

«ҚазМұнайГаз» ҰК АҚ Маңғыстау облысындағы еншілес ұйымдарының қызметкерлері сала ардагерлері Ләззат Қиынов және Мұрат Құрбанбаевпен кездесті. Басқосуға «Маңғыстаумұнайгаз» АҚ, «Өзенмұнайгаз» АҚ, «Қаражанбасмұнай» АҚ, «Қазақ газ өңдеу зауыты» ЖШС, «Caspi Bitum БК» ЖШС, «Қазақтеңізкөлікфлоты» ҰТКҚК» ЖШС және өзге де сервис қызметін көрсететін еншілес мекемелердің өкілдері қатысты.

Кездесу барысында ардагер мұнайшылар жас мамандармен өмірлік тәжірибелерімен бөлісіп, отандық мұнай-газ өнеркәсібінің қалыптасу жолын әңгімеледі.

Іс-шара өндірісте жүрген еңбек адамдарын дәріптеу, еңбек мамандықтарын насихаттау мақсатында ұйымдастырылды. Еске сала кетсек, Мемлекет басшысы 2025 жылды «Жұмысшы мамандықтар жылы» деп жариялады.